Kursek ji bo amadekirina mamosteyên zimanê kurdî li zanîngeha Bonnê

Zanîngeha Rheinische Friedrich. Wilhelms a Bonnê,
 Amojgeha Rojhilat û Zanistiyên Asyayê- Beşê Islamnasiyê
 bi hevkariya 
Navenda Kurdî ji bo Lêkolîn û Rawêjkariya Yasayî YASA e.V. 
û Komeleya Xwendekarên Kurd li Bonnê RAMAN,

Kursek ji bo amadekirina mamosteyên zimanê kurdî li zanîngeha Bonnê

Amojgeha Zanistiyên Rojhilata Navîn û Asyayê – Beşê Zanistiyên Islamî yê girêdayî Zankoya Wêjeyan li Zanîngeha Bonnê kursekî ji bo amadekirina mamosteyên zimanê kurdî pêşkêş dike.

Armanca kurs ew e, ku kesên bi zimanê kurdî baş dizanin, bibin mamosteyê zimanê kurdî-zaravê kurmacî, da ku kari bin wî zimanî mîna zimanekî biyanî li dibistan, amojgeh û zanîngehên Elmanyayê bidin fêrkirin.

Bernameya kurs:

·         Semînereke pêşdestpêkî di 31.03.2012-ê de, ku tê de dê ravekirina bernameya kurs, belavkirina bûjenên kurs ji bo kesên pejirandî û hevnasîna di navbera profesor û beşdarên kurs de tê de pêk bên.

·         Şeş meh xwendineke xweser, ku dê ji meha Avrêla 2012-ê ve bi alîkariya hin bûjen, pirtûk û teminên ku ji aliyê profesoran ve hatine pêşniyarkirin, dest pê bike.

·         Semînerine rojane yên dirêj (du heftî) li Zanîngeha Bonnê ji 10-21-ê Êlona 2012-ê.

·         50 Saet waneyên online, ew ê li ser internet werin dandin.

·         Ezmûna dawî di 06.10.2012-ê de ye.

Li dawiya kurs dê ezmûneke devkî û yeke nivîskî ji bo beşdaran pêk bê. Kesê ku bi ser bikeve, ewê bawernameyeke morkirî ji Zanîngeha Bonnê wergire, ku dê bi riya wê kari be zimanê kurdî li dibistan, amojgeh û zanîngehên Elmanyayê weke zimanekî biyanî bide fêrkirin.

Mercên pejirandinê di kurs de:

·         Zanyariyeke baş bi zimanê kurdî

·         Bawernameya Lîseyê (Bekeloriya), borandina 2 nîvsalên xwendinê di zanîngehekê de û zanyariyeke baş bi zimanê elmanî (asta C1).

·         Dayîna bihayê kurs: 500 € li ser jimara kontoya zanîngehê:

Kostenbegünstigter: Universität Bonn           

Konto Nr.: 576 95

Bankleitzahl: 370 501 98 (Sparkasse Köln Bonn)

Perên/ Heqê kursê divê bi derengî heya 20.03 hatibin dandin.

Qeydkirin ji 1-ê Avdara 2012-ê ve dest pê dike û di 16-ê Avdara 2012-ê de bi dawî tê.

 Di Kursê tenê 25 kes dikarin cîh bigrin.

Kargêra berpirsiyar ji bo kurs: Prof. Eva Orthmann

Berpirsiyarên kurs: Dr. Hüseiyin Aguiçenoglu û Julia Evin Bedirxan

Ji bo agahiyên bêtir derbarê mercên pejirandinê, bernameya kurs, ezmûn û hemû pirsên derbarê kurs hûn dikarin têkiliyê bi Fewzî Dîlber û Nisrîn Emîr (Berpirsiyarên organîzekirina kurs) re li zanîngehê girê bidin.

Herr Fawzi Dilbar: fawzi.dilbar@uni-bonn.de

Festnetz: 0228/24001080 & Mobil: 01725360865

Frau Nissrin Emir: nissrin.emir@uni-bonn.de

Ji bo agahiyên derbarê kurs bi zimanê almanî:

http://www.ioa.uni-bonn.de/abteilungen/islamwissenschaft/sommerkurse

Ev kurs bi hevkariya Navenda Kurdî ji bo Lêkolîn û Rawêjkariya Yasayî-YASA

û Komeleya Raman a Xwendekarên Kurd li Zanîngeha Bonnê li dar dikeve.

Ji nû ve Xoybûn

Ji nû ve Xoybûn

Çapa nû û firehkirî a kitêba Rohat Alakom di nav weşanên Avesta de derket.

Alakom di lêkolîna xwe ya ku bi fotoyên balkêş hatiye xemilandin, yek ji organîzasyonên herî girîng ê neteweperweriya kurdî a modern ji gelek aliyan ve dide naskirin. Serhildana Agirî ku bi pêşengiya Xoybûnê di 1927an de dest pê kiribû û heta 1932yan dom kiribû yek ji mijarên din a kitêbê ye. Şexsiyetên giring ên serhildanê Îhsan Nûrî Paşa, Ferzende, Biroyê Heskê Têlî û Xalis Beg bi awayekî berfireh di kitêbê de cî girtine.

Xoybûn  Örgütü ve Ağrı Ayaklanması

Rohat Alakom

ISBN: 978-975-7112-45-7

21.5x13.5,  216 sayfa, resimli, 14 TL

www.avestakitap.com

zimanê me hebûn û nasname meye

شفان برور - اللغة الكردية Şivan Perwer - Zimanê Kurdî

تنويه هام

يتم حاليا عملية تعديل لهذا الموقع و هو في وضع التجريب
آملين ان ننتهي من تفعيله بأقصى سرعة و ذلك ليستفيد منه
قرائنا الاعزاء أكثر و يرتقي الى مستوى أفضل .
ادارة هيئة آري الثقافية 

Ji Şaredariya Sêrtê 12 pirtûkên zarokan

Ji Şaredariya Sêrtê 12 pirtûkên zarokan

SUNDAY, 03 JULY 2011 06:56

Şaredariya Sêrtê 12 pirtûkên zarokan amade kirin. Şeş ji wan hatine çapkirin û şeş jî li ber çapê ne. Her pirtûk ji çîrokekê pêk tê. Berhevkarê çîrokan Kurdjan Sorî  û wêneçêker jî Mûrat Y. û Rûşen Sarili ne. Hemû wêne orjînal û rengîn in.

Navê vê rêzepirtûkê "Hebanoka Çîrokan" hatiye lêkirin. Pirtûka yekem a vê rêzepirtûkê "Fîl û Çizdik" e. Şaredarê Sêrtê Selîm Sadak, di pirtûka yekem de, ji vê xebatê re nasandineke bedew nivisiye. Selîm Sadak, di vê nasandinê de girîngiya çîrokan ya ji bo parastina zimanê kurdî û bandora wan a li ser zarokan tîne zimên û bi kurtî weha  pêde diçe:

"Ez van çîrokan bi dilxweşî dîyarîya zarokên ku bi zimanê xwe mezin dibin, bi zimanê xwe dixwînin û bi zimanê xwe dinivîsin dikim.

... Zimanê me ji aliyê nivîskî ve dereng maye. Îro kurd bi hemû derfetên xwe li zimanê xwe xwedî derdikevin. Gotinên bav û kalên xwe, çîrokên xwe, stranên xwe bi awayekî nivîskî pêşkêşî xwendevanên xwe dikin. Ev pêşketin ji b o me rûmeteke mezin e."

Her weha Selîm Sadak spasiyên xwe pêşkêşî berhevkarê van çîrokan Kurdjan Sorî, hemû berhevkar nivîskar û rewşenbîrên din ên ku bi zimanê xwe dinivîsin dike û ji wan re serketinê dixwaze.

Ev pirtûk di warê, ziman, wêne û kalîteya çapê de ji pirtûkên ku şaredariyên me heta niha weşandine ji hemûyan baştir in.

Em bawerin ku zarokên me dê hem bi van çîrokan kêfxweş bibin hem jî zimanê xwe pêş ve bibin. Lewma, em wek Dibistana kurdî, di şexsê berêz Selîm Sadak de spasiya rêvebir û xebatkarên Şaradariya Sêrtê dikin ku bi karekî weha pîroz re rabûne. Hûn her bijî!

Şeş pirûkên ku hatine çapkirinê:

1. FîL û ÇiZDIK
2. ŞÊRŞENGAL
3. FATFATOK û KERIKA HERîNî
4. KÊZÊ û MIŞKO.
5. KEÇIKA PERîZADE REQÊ
6. ROVî û QIJIK

Peywendî
Muduriyeta Karên Çand û Civakî ya Ûaredariya Sêrtê
Tel. +90- (0) 484-223 22 60
Emaîl: kulturiirt.bel.tr
Web: www.siirt.bel.tr

………………………………….

Komîta arî a rewşenbîrî kurdî ( ji bo fêrkirina zimanê kurdî )

roja 15 gulanê roja zimanê kurdî

Doh (15.05.‏2011), bi helkeftina Roja Zimanê Kurdî birrek ji rewşenbîrên kurd di gel berpirsên kovara Gelawêj, Pirs û Gulistan

, vejandina vê rojê li bajarê Qamişlo pêk anîn. Di destpêkê de, li dor vê rojê axifîm, giringiya vê rojê min anî ziman û çima ev roj bi navê Roja Zimanê Kurdî bi nav bûye, şirove kir û di nav re, min rola mîr Celadet Bedirxan û kovara wî HAWARê ji bo parastina zimanê Kurdî diyar kir û got: Eger UNESCO di 1999 de, 21ê sibatê bi navê “Roja Zimanê Dayikê” bijartibe, yê me Kurdan, roja 15 gulanê ye û ev roj ji sala 2006’an vir ve tê pîrozkirin. 15 gulanê, ev roja ku yekemîn car kovara HAWARê li Şamê hatiye weşandin û di nav Kurdan de belavkirin.

   Bi saya wê rojê û bi saya xwediyê HAWARê mîr Celadet Bedirxan, roja îro em xwedî alfabeyeke xweser in û bi sedan, bi hezaran ji rewşenbîrên ku bi zimanê Kurdî dinivîsînin û bi dehan navend, enstîtu û komeleyên Kurdî hatine damezirandin û di xebatê de ne.. Her wiha bi sedan kovar, rojname û malperên internetê bi zimanê Kurdî, alfabeya latînî li seranserî dinyayê çêbûne..

   Erê  rojê (15ê Gulenê), roja zimanê Kurdî ye wek ku çawa 21ê adarê cejna netewî Kurdî Newroz e û 22ê Nîsanê roja rojnamegeriya Kurdî ye.

   Zimanê  me ne kêmî zimanê xelkên derdora me ye, kok û rehên zimanê me li hezarê salan vedigere, rewa xwe ji ava çemê Dicle û Ferat distîne, bi çiyayê Cûdî, Zagros, Toros û Ararat re mezin bûye.. Bi keleka Nûh pêxember re gerya ye û dawî ji Cizîra mîr Şeref di dinayê de belav bûye.. Û her wiha min 113 saliya rojnamegeriya Kurdî jî anî ziman.. Di pey gotina min re hina ji beşdaran baweriyên xwe anîn ziman û gotin: Nivîskar û rexnevan Xalis Musewer: Roja zimanê Kurdî roja dîroka miletê Kurd e, zulmê qebûl nake, li ziman û dîroka xwe xwedî derdikeve ji ber ku zimanê me hebûn û şerefa me ye.. Nivîskar û Zimanzan Berzo Mehmûd: Zimanê Kurdî nişana netewê Kurd e û nasnama me ye. Pêwîste em guh bidin zimanê xwe û xebatê bikin bo vejîna zimanê dê û bê xwe û ev egera ha bibe navgînek bo riya rizgarkiriya miletê me.. Nivîskar Abbas Ismaîl: Bi hêvî me ku keç û xortên Kurdan li zimanê xwe xwedî derkevin û ez vê rojê li miletê xwe pîroz dikim.. Siyasetmedar û rewşenbîr Mihemed Ismaîl: Zimanê Kurdî nasname û rûmeta miletê Kurd e. ta ku zimanê me hatiye parastin di gelek mercên girçin û delîvên berteng de derbas bûye.. Di qermîçonkên riwê pêrejin û kalemêrên kolanên gund û bajarên me de bi şîn û şahiya miletê me mezin bûye.. Di baweriya min de nifşên bên, wê zimanê me biparêzin wek parastina bînahiya çavên xwe.. Nivîskar û zimanzan Derwêşê Xalib: Zimanê Kurdî nasnama miletê Kurd e, navenda daxwaza miletê kurd e, miletê Kurd nikare hebûna xwe biparêze bêyî zimanê xwe.. Nivîskar B. Sefîn: Madem zimanê Kurdî nasnama miletê Kurd e, divê em zimanê xwe biparêzin û em xwe û zarokên xwe fêrî zimanê Kurdî bikin.. Nivîskar û Helbestvan Mûsa Zaxuranî: Zimanê Kurdî wek Kurdan kevntirîn milete di rojhilatê de, bav û bapîran ew parastiye.. Taybetiyek wî heye lewra ev 5 hezar sal e xwe li ber lehiyê girtiye.. nivîsandina bi zimanê Kurdî pêdiviyek netewî ye..

Piştî ku axaftin bi dawî bûn, bo her sê kesên ku di ber ziman de, dema dawî her yekî ji wan çar heyv di zindanê de bûrandibûn xelat hatin dan, Abdulsened Mehmûd, Omer Ismaîl û Ehmed Ismaîl..

Dawî bi navê  girtiyên ziman helbestvan Abdulsened Mehmûd (Bavê Helbest), spasiyên xwe bi van gotinan anîn ziman: Ciwantirîn spasî bo hemû berpirsên kovar û rojnameyên Kurdî, bo nivîskar û helbestvanên Kurd, bo amadekarên vê rojê û bi taybetî mamoste Konê Reş ku ev rêzgirtin dane me, em vê xelatê wek Nobela Kurdî dibînin û tu carî zindan û êşkence hezkirina me ji zimanê kurdî re qelis nake..

Konê  Reş 
 

 , 16.05.‏2011

15gulanê roja zimanê kurdî

  15 gulanê roja zimanê kurdî

  Li gorî piran ji rewşenbîrên kurd : berî 79 salan; di roja 15ê gulana 1932 an de yekemîn car di dîroka Kurdan de zimanê Kurdî (Kurmancî û  Soranî), bi alfabeya Latînî hatiye nivîsandin û ji wê  hingê ve rewşenbîrên Kurd his û hestên xwe bi zimanê dayika xwe tînin ziman..

Û wek ku belav bûye roja 15 gulanê ye. 15 gulanê, ev roja ku yekemîn car kovara HAWARê li Şamê têde hatiye weşandin û di nav Kurdan de hatiye belavkirin ,bi destê mamoste mîr Celadet bedirxan

 Werin em we bi hevre roja zimanê kurdî pîroz bikin ,

Komîta arî ya rewşenbîrî û serbixwe (jibo firkirina zimanê kurdî ) roja , zimanê kurdî li kurdan li tevahî cîhanê pîroz dike , û her demê serkeftin û pişketinê ji zimanê kurdî re daxwaz dike.

Zimanê me hebûn û nasnama me ye

15 / 5 / 2011

Komîta arî